又介绍一个好容易整既菜式-----秘制叉烧! 呵呵~~~~~~

       秘制叉烧，唔肥腻，口感超好啊~~~~~

        去外边打包既叉烧，食起身都觉得好麻麻，于是决定自己试下整。呢次整叉烧，我做佐两次，经验话俾大家知，整叉烧一定唔好用瘦肉，或者全肥肉~~~~~呵呵。（因为瘦肉焖耐佐，就算D味几甘正，都会无晒口感，好似咬树皮甘既！肥肉既话，MM知咩事啦！）

       唔好讲甘多野，准备材料啦！

材料：

        五花腩肉（或者半肥瘦）1斤，生抽四勺（以通常的瓷更黎计），老抽1/2勺，白糖1一勺，白酒2勺，盐1/3勺，蠔油1勺，生粉1勺， 姜、蒜、生油少许。

做法：

       1、洗净五花腩肉 ，切成三（四）小段，加入生抽四勺（以通常的瓷更黎计），老抽1/2勺，白糖1勺，白酒2勺，盐1/3勺，蠔油1勺，油1勺，生粉1勺，充分搅拌，腌制4---5小时。

        2、大火烧热个锅，放入切好的姜、蒜，再放小小油，爆香之后，将腌好既五花腩肉同埋个D汁一齐倒晒入去煮，三四十秒钟后加入开水（千奇唔好俾距痴锅啊！），以盖过肉面为准（可以加多D既），大火煮四五分钟，用中火慢慢焖，大约焖三十分钟左右就可以收火（用筷子刺一刺肥肉部份，如果好有弹性代表OK佐，如果硬既就还要继续煮），过程要注意不时揭开锅盖翻炒几下，以免烧焦，如果汁快干，但肉还未得，可以适理加入开水（注意一定不可以用冻水）。

        3、收火后捞起腩肉，切成薄薄一片放入碟里面排好，再晒上汁，好正既肥叉就甘完成喇！

贴士：

        1、个人感觉五花腩肉系最好既，因为有肥有瘦间开晒，唔会觉得肥腻同埋太硬。

        2、腌既时间可以自己掌握，最少都要二小时以上啦，腌成晚个D就无咩必要咯。

        3、腌既时候一定要记得落生粉，唔系瘦肉部分真系变成树皮甘既！

        4、MM们注意，呢种整法，叉烧里面既脂肪基本上唔多咯，所以唔怕食，但系个D汁~~~~~~如果你想保持苗条既，就一定唔好捞汁食饭喔！（我唔怕肥，所以我照捞，嘻嘻~~~）

        后记：我第一次用瘦肉整，整得D味道真系几好，但系D瘦肉真系好似咬树皮甘，毫无口感可言，估计系腌个阵无放生粉，而且用既肉系瘦肉，但系倒又唔舍得，最后全部自己食晒。第二次整用五花腩肉，而且保留埋D猪皮添（唔中意食猪皮既就腌之前将距切晒出黎），果然无错，食起身，呵呵~~~~~~保证怕肥腻既人都话正啊！

feicha